Get real time updates directly on you device, subscribe now.
ବଲିଉଡ଼ର ମହାନ ଜନନାୟକ ବିଗ୍ ବି ଅମିତାଭ ବଚ୍ଚନ ଅସୁସ୍ଥ । ସ୍ୱାସ୍ଥ ଖରାପ ଥିବା ଯୋଗୁଁ ତାଙ୍କର ଏକ ଅପରେସନ ହେବ । ଏନେଇ ସେ ନିଜେ ତାଙ୍କ ବ୍ଲଗ ଜରିଆରେ ସୂଚନା ଦେଇଛନ୍ତି । ଅମିତାଭ୍ ବଚ୍ଚନ ସୋସିଆଲ ମିଡିଆରେ ବେସ୍ ସକ୍ରିୟ ରହିଥା’ନ୍ତି । ସେ ତାଙ୍କର କଥାକୁ ବ୍ଲଗ ମାଧ୍ୟମରେ ଲୋକମାନଙ୍କ ପାଖରେ ପହଂଚାଇଥାନ୍ତି । ହେଲେ ଗତକାଲି ସେ ଲେଖିଥିବା ବ୍ଳଗ ପଢିବା ପରେ ପ୍ରଶଂସକ ମାନଙ୍କୁ ଝଟକା ଲାଗିଛି ।
ଅମିତାଭ ବଚ୍ଚନ ବ୍ଲଗରେ ସେ ତାଙ୍କ ସ୍ୱାସ୍ଥ୍ୟବସ୍ଥା ଠିକ୍ ନଥିବା ଲେଖିଛନ୍ତି । ଏଥିଲାଗି ଅପରେଶନ ହେବାକୁ ପଡିବ ବୋଲି ସେ କହିଛନ୍ତି । ତାଙ୍କ ଅସୁସ୍ଥ ଲୋକଙ୍କୁ ଚିନ୍ତିତ କରିଦେଇଛି। ହେଲେ ଲୋକମାନେ ଜାଣିବାକୁ ଚାହିଁଛନ୍ତି କି ଅମିତାଭଙ୍କର ବାସ୍ତବରେ କ’ଣ ହୋଇଛି ଓ ସେ କେଉଁ ରୋଗ ପାଇଁ ଅପରେଶନ ହେବେ । ହେଲେ ଲୋକମାନେ ଏବେ ତାଙ୍କର ଆଶୁ ଆରୋଗ୍ୟ କାମନା କରୁଛନ୍ତି ।
ସେ ଲେଖିଛନ୍ତି କି କିଛି ଆବଶ୍ୟକତା ଠାରୁ ଅଧିକ ବୃଦ୍ଧି ପାଇଛି ଯାହାପାଇଁ ଅପରେଶନ କରିବାକୁ ପଡିବ । ଏହାପୂର୍ବରୁ ଅମିତାଭ ବଚ୍ଚନ କରୋନାରେ ଆକ୍ରାନ୍ତ ହୋଇ ମେଡିକାଲରେ ଭର୍ତ୍ତି ହୋଇଥିଲେ । ସେତେବେଳେ ବି ଦେଶସାରା ଲୋକ ତାଙ୍କର ଆରୋଗ୍ୟ କାମନା କରିଥିଲେ ।
ଅମିତାଭଙ୍କ ଆଗାମୀ ଚଳଚ୍ଚିତ୍ର ‘ଝୁଣ୍ଡ୍’ ଜୁନ୍ ୧୮ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରର ନିର୍ଦେଶନା ଦେଇଛନ୍ତି ନାଗରାଜ ପୋପାତ୍ରାଓ ମୁଞ୍ଜୁଲେ। ଏହାବ୍ୟତୀତ ଏବର୍ଷ ଏପ୍ରିଲ୍ ୩୦ରେ ମୁକ୍ତିଲାଭ କରୁଥିବା ‘ଚେହେରେ’ ଚଳଚ୍ଚିତ୍ରରେ ମଧ୍ୟ ଅମିତାଭଙ୍କ ଅଭିନୟ ଦେଖିବାକୁ ମିଳିବ।