Get real time updates directly on you device, subscribe now.
ରାଜ୍ୟରେ ଛତିଶଗଡ ସଂକ୍ରମଣକୁ ନେଇ ଆକ୍ରାନ୍ତ ସଂଖ୍ୟା ବଢିଚାଲିଥିବା ବେଳେ କୁମ୍ଭମେଳା ଫେରନ୍ତା ପାଇଁ ସୃଷ୍ଟି ହେବ କି ବିପଦ? ହରିଦ୍ୱାରର ପ୍ରତିଷ୍ଠିତ କୁମ୍ଭମେଳାରେ କରୋନାର ବିସ୍ଫୋରଣ ସମସଙ୍କ ନିଦ ହଜାଇଦେଇଛି । କୁମ୍ଭମେଳାରେ କରୋନାର ବିସ୍ଫୋରଣ ପରେ ସତର୍କତା ମୂଳକ ପଦକ୍ଷେପ ନେଇଛନ୍ତି ଓଡ଼ିଶା ସରକାର । ଉତ୍ତରାଖଣ୍ଡ ସରକାରଙ୍କ ପାଖରେ ଓଡ଼ିଶାରୁ କେତେଜଣ କୁମ୍ଭରେ ଯୋଗ ଦେବାକୁ ନାଁ ପଂଜୀକୃତ କରିଛନ୍ତିି ସେମାନଙ୍କ ତାଲିକା ପ୍ରକାଶ କରିଛନ୍ତି ସ୍ୱତନ୍ତ୍ର ରିଲିଫ କମିସନର ।
କୁମ୍ଭମେଳା ଫେରନ୍ତାଙ୍କ ପାଇଁ କଟକଣା । କୁମ୍ଭମେଳାରେ ସାମିଲ ପାଇଁ ଉତରାଖଣ୍ଡ ସରକାରଙ୍କ ପାଖରେ ନାଁ ପଂଜୀକୃତ କରିଥିବା ବ୍ୟକ୍ତିଙ୍କ ତାଲିକା ବିଭିନ୍ନ ଜିଲ୍ଲାର ଜିଲ୍ଲାପାଳ ଓ ମ୍ୟୁନିସପାଲଟି କମିସନରଙ୍କୁ ଦିଆଯାଇଛି । ଏହି ତାଲିକାରେ ଥିବା ବ୍ୟକ୍ତିମାନଙ୍କ ସହ ଯୋଗାଯୋଗ କରିବାକୁ କୁହାଯାଇଛି । ଓଡିଶା ଫେରିବା ପରେ ଆରଟିପିସିଆର ଟେଷ୍ଟ କରାଇବା ସହ ସଂଗରୋଧରେ ରହିବାକୁ ଏସଆରସି ଚିଠିରେ ଉଲ୍ଲେଖ କରିଛନ୍ତି ।
କୁମ୍ଭମେଳାରେ ଭାଗ ନେଇଥିବା ପ୍ରତ୍ୟେକ ବ୍ୟକ୍ତିଙ୍ ପାଇଁ ସଂଗରୋଧ ରହିବା ବାଧ୍ୟତମୂଳକ । ନେଗେଟିଭ ରିପୋର୍ଟ ଥିଲେ ମଧ୍ୟ ସେମାନେ ୧୪ ଦିନ ସଂଗରୋଧରେ ରହିବେ । ଆଶା ଏବଂ ଅଙ୍ଗନଓ୍ୱାଡି କର୍ମୀ କୁମ୍ଭ ଫେରନ୍ତାଙ୍କ ଘରକୁ ପରିଦର୍ଶନରେ ଯିବା ସହ ସେମାନଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିବେ । ସମସ୍ତ କୁମ୍ଭ ଫେରନ୍ତା ନିଜକୁ ସ୍ୱେଚ୍ଚାକୃତ ଭାବେ ଆଇସୋଲେସନ୍ରେ ରଖିବା ସହ ସେମାନଙ୍କ ସ୍ୱାସ୍ଥ୍ୟାବସ୍ଥା ନେଇ ବିଡିଓ, ମ୍ୟୁନସିପାଲ, ଏନ୍ଏସି ଅଫିସର, ପିଏଚ୍ସି, ସିଏଚ୍ସିକୁ ରିପୋର୍ଟ କରିବେ ।