Get real time updates directly on you device, subscribe now.
ପରୀକ୍ଷା ପୂର୍ବରୁ କେମିତି ଚାପମୁକ୍ତ ରହିବେ ପିଲା, ଟିପ୍ସ ଦେଲେ ପ୍ରଧାନମନ୍ତ୍ରୀ ।ନୂଆଦିଲ୍ଲୀର ତାଲକଟୋରା ଷ୍ଟାଡିୟମରେ ଆୟୋଜିତ ‘ପରୀକ୍ଷା ପେ ଚର୍ଚ୍ଚା’ କାର୍ୟ୍ୟକ୍ରମରେ ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଦି କହିଛନ୍ତି, କିଏ, କ’ଣ କହୁଛି, ତାକୁ ଗୁରୁତ୍ୱ ଦିଅନ୍ତୁ ନାହିଁ । ଆପଣ କ’ଣ କରିପାରିବେ, ତା ଉପରେ ବିଶ୍ୱାସ ରଖିବା ଜରୁରୀ ।
ପରୀକ୍ଷା ପେ ଚର୍ଚ୍ଚା ମୋର ବହୁତ ପ୍ରିୟ କାର୍ୟ୍ୟକ୍ରମ । ଆଜିର ଦିନ ଖୁସିର ଦିନ । ପର୍ବ ପର୍ବାଣୀ ମଧ୍ୟରେ ପରୀକ୍ଷା ବି ହୋଇଥାଏ । ଏଥିପାଇଁ ପର୍ବର ମଜା ଅନେକ ଉଠାଇ ପାରିନଥାନ୍ତି । କିନ୍ତୁ ଯଦି ପରୀକ୍ଷାକୁ ଆମେ ପର୍ବ ଭଳି ଭାବିବେ ତେବେ ଏଥିରେ ରଙ୍ଗ ଭରିଯିବ ବୋଲି ପରୀକ୍ଷା ପେ ଚର୍ଚ୍ଚାରେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।
ସେ ଆହୁରି କହିଥିଲେ ଯେ, ଜୀବନରେ ଖେଳ ଜରୁରୀ । ଖେଳ ବିନା ଆଗକୁ ବଢିବା ଅସମ୍ଭବ । ବହିରେ ଯାହା ପଡିଥାଉ ତାହା ପଡିଆରୁ ହିଁ ଶିଖିବାକୁ ପଡିଥାଏ । କିନ୍ତୁ ଅନୱାଇନ ଗେମରୁ ଦୂରେଇବାକୁ ହେବ । ଏକାଗ୍ର ଚିତ୍ତରେ ପଢିବା ଦ୍ୱାରା ମୋବାଇଲ ଗେମଠୁ ଦୂରତା ରକ୍ଷା କରିହେବ । ଏପରି ଭାବେ କିପରି ପରୀକ୍ଷା ଚାପରୁ ମୁକ୍ତି ମିଳିବ ସେନେଇ ମଧ୍ୟ ମୋଦୀ ଅନେକ ପରାମର୍ଶ ଦେଇଥିଲେ ।
ଏହାସହ କିପରି ଚାପମୁକ୍ତ ପରୀକ୍ଷା ଦେବେ ଛାତ୍ରଛାତ୍ରୀ ସେନେଇ ମଧ୍ୟ ଆଲୋକପାତ କରିଛନ୍ତି । ମୋଦୀ କହିଛନ୍ତି ଯେ, ସମସ୍ତଙ୍କ ମଧ୍ୟରେ ଆତ୍ମବିଶ୍ୱାସ ଜରୁରୀ । ନିଜେ ହିଁ କେତେବେଳେ ପାଠ ପଢି ହେବ ସେନେଇ ଅନୁଶୀଳନ କରିବା ଜରୁରୀ । ଏହାସହ ପରୀକ୍ଷାକୁ ହିଁ ଏକଦା ଚିଠି ଲେଖି ଦେବା ଦରକାର ବୋଲି ମୋଦୀ ମଜାଳିଆ ଢଙ୍ଗରେ ଛାତ୍ରଛାତ୍ରୀଙ୍କୁ କହିଥିଲେ ।