Get real time updates directly on you device, subscribe now.
ପ୍ରଧାନମନ୍ତ୍ରୀ କଣ ସବୁ କଥାରେ ସଂସଦରେ କହୁଛନ୍ତି, ତାହେଲେ ମୁଖ୍ୟମନ୍ତ୍ରୀ ସବୁ କଥାରେ ବିବୃତି କାହିଁକି ରଖିବେ । ଧାନ କିଣା ପ୍ରସଙ୍ଗରେ ଗୃହରେ ମୁଖ୍ୟମନ୍ତ୍ରୀଙ୍କ ବିବୃତି ବିରୋଧୀ ଦାବି କରିଥିବା ବେଳେ ଶାସକ ଦଳ ଅଜବ ଯୁକ୍ତି କରିଛି । ପ୍ରଧାନମନ୍ତ୍ରୀ କଣ ସଂସଦରେ ସବୁ ପ୍ରସଙ୍ଗରେ ବିବୃତି ରଖୁଛନ୍ତି । ତାହେଲେ ମୁଖ୍ୟମନ୍ତ୍ରୀ କାହିଁକି ସବୁ ପ୍ରସଙ୍ଗରେ ବିବୃତି ରଖିବେ ବୋଲି ସରକାରୀ ଦଳର ମୁଖ୍ୟ ସଚେତବ ପ୍ରମିଳା ମଲ୍ଲିକ ପ୍ରଶ୍ନ କରିଛନ୍ତି, । ଆଗ ବିଧାୟକ ସୁବାଷ ପାଣିଗ୍ରାହୀ ଗୃହରେ ଆତ୍ମହତ୍ୟା ଉଦ୍ୟମ ନେଇ କ୍ଷମା ମାଗନ୍ତୁ ବୋଲି ଶାସକ ଦଳ ଦାବି କରିଛି ।
ଶାସକ ଓ ବିରୋଧୀ ଦଳର ବିଧାୟକ ହୋହାଲ୍ଲା ଯୋଗୁଁ ୫ ଦିନ ହେବ ଚାଲିପାରୁନି ଗୃହ । ନିଜ ନିଜ ଜିଦରେ ସମସ୍ତେ ଅଟଳ ଥିବା ବେଳେ ଗୃହକୁ ସୁରୁଖୁରରେ ଚଳାଇବା ପାଇଁ ସର୍ବଦଳୀୟ ବ÷ଠକ ଡାକିଥିଲେ ବାଚସ୍ପତି । ହେଲେ ସର୍ବଦଳୀୟ ବୈଠକ ବିଫଳ ହୋଇଛି । ବାଚସ୍ପତି ସୂର୍ଯ୍ୟନାରାୟଣ ପାତ୍ର କହିଛନ୍ତି, ସବୁ ଦଳ ନିଜ ନିଜ ଦାବି ରଖୁଛନ୍ତି, କ୍ଷମା ପ୍ରସଙ୍ଗ ବି ଉଠୁଛି । ସବୁଦିନ ସବୁ ଦଳ କିଛି କିଛି ପରାମର୍ଶ ଦେଉଛନ୍ତି । ଆସନ୍ତାକାଲି ପୁଣି ଥରେ ବୈଠକ ବସି ଆଲୋଚନା ହେବ ବୋଲି ବାଚସ୍ପତି କହିଛନ୍ତି ।
ବିଧାୟକ ସୁବାଷ ପାଣିଗ୍ରାହୀ ଆତ୍ମହତ୍ୟା ଉଦ୍ୟମ କରି ଗୃହର ମର୍ଯ୍ୟାଦା କ୍ଷୁର୍ଣ୍ଣ କରିଛନ୍ତି । ତେଣୁ ସେ କ୍ଷମା ନମାଗିବା ଯାଏ ଗୃହ ଚାଲିପାରିବନି ବୋଲି ନିଜ ଜିଦରେ ଅଟଳ ଅଛନ୍ତି । । ସେହପିରି ବିଜେପି ବିଧାୟକ ଧାନ କିଣା ପ୍ରସଙ୍ଗରେ ଶାସକ ଦଳକୁ ଘେରିବା ସହ ଗୃହରେ ମୁଖ୍ୟମନ୍ତ୍ରୀଙ୍କ ବିବୃତି ଦାବି ରଖିଛନ୍ତି ।