ଉତ୍ତରପ୍ରଦେଶ ଲକ୍ଷ୍ମୀପୁରରେ ଗତକାଲି ହୋଇଥିବା ହିସାଂରେ ଏପର୍ୟ୍ୟନ୍ତ ୮ ଜଣଙ୍କର ମୃତ୍ୟୁ ହୋଇଛି । ଏହାକୁ ନେଇ ୟୁପି ସହ ସାରା ଦେଶରେ ରାଜନୀତି ଜୋର ଧରିଛି । ମୃତ୍ୟୁବରଣ କରିଥିବା ଚାଷୀଙ୍କ ପରିବାରକୁ ଭେଟିବାକୁ ଯାଉଥିିବା କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କୁ ହରଭଙ୍ଗା ସୀମାରେ ପୋଲିସ ନିଜ ହେପାଜତକୁ ନେଇଛି । ପ୍ରିୟଙ୍କାଙ୍କ ପରେ ଅଖିଳେଶ ଯାଦବଙ୍କୁ ମଧ୍ୟ ପୁଳିସ ହେପାଜତକୁ ନେଇଛି । କଂଗ୍ରେସ ଅଭିଯୋଗ କରିଛି ଯେ ପୋଲିସ ପ୍ରିୟଙ୍କା ଗାନ୍ଧୀଙ୍କୁ ଠେଲାପେଲା କରିଛି । ପ୍ରିୟଙ୍କା ଗାନ୍ଧୀଙ୍କ ସହ ପୋଲିସ ଏଭଳି କରିବା ବେଳେ ପ୍ରିୟଙ୍କା ପୋଲିସକୁ ଚ୍ୟାଲେଞ୍ଜ କରିଥିବା ଜଣାପଡିଛି । ଏନେଇ ପ୍ରିୟଙ୍କା କହିଛନ୍ତି କି ୟୁପିରେ ଏବେ ୟୁପିରେ ଆଇନ କାନୁନ କିଛି ନାହିଁ, ହେଲେ ଦେଶର ସମ୍ବିଧାନକୁ ବଦଳାଇବାକୁ ଚେଷ୍ଟା କରୁଥିବା ଲୋକଙ୍କୁ ସଫଳ ହେବାକୁ ଦିଆଯିବ ନାହିଁ ବୋଲି ପ୍ରିୟଙ୍କା କହିଛନ୍ତି ।
ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ସ୍ଥାନୀୟ ପ୍ରଶାସନ ଲକ୍ଷ୍ମୀପୁର ଅଞ୍ଚଳରେ ଇଣ୍ଟରନେଟ ସେବା ବନ୍ଦ କରିବା ସହ ସେଠାରେ ୧୪୪ ଧାରା ଲାଗୁ କରିଛନ୍ତି । ଏହସହ ଗାଜିଆବାଦ ପୋଲିସ ଜାତୀୟ ରାଜପଥ-୨୪ ଓ ୯ କୁ ସମ୍ପୂର୍ଣ୍ଣ ବନ୍ଦ କରିଛନ୍ତି ।
ଲକ୍ଷ୍ମୀପୁର-ଖିରିର ତିକୋନିଆ-ବନବୀରପୁର ରାସ୍ତାରେ ଉପ ମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ୟ୍ୟଙ୍କ ଗସ୍ତ ବିରୋଧରେ କୃଷକ ସଂଗଠନ ବିରୋଧ ପ୍ରଦର୍ଶନ କରୁଥିଲେ। ଏହି ସମୟରେ ଦୁଇଟି ଏସୟୁଭି କୃଷକଙ୍କ ଉପରେ ଚଢି ଯାଇଥିଲା। ଦୁର୍ଘଟଣାରେ ଆଠ ଜଣଙ୍କ ମୃତ୍ୟୁ ଘଟିଛି।