Get real time updates directly on you device, subscribe now.
ମହାମାରୀ କରୋନା ପାଇଁ ଚଳିତ ବର୍ଷ ପୁରୀ ବ୍ୟତୀତ ରାଜ୍ୟର ଅନ୍ୟ କୌଣସି ସ୍ଥାନରେ ରଥଯାତ୍ରା କରିବା ପାଇଁ ମନା କରାଯାଇଛି ।। କେବଳ ଅନ୍ୟ ସମସ୍ତ ସ୍ଥାନରେ ମନ୍ଦିର ଭିତରେ ନୀତିକାନ୍ତି କରିବାକୁ ଅନୁମତି ଦିଆଯାଇଛି । ହେଲେ ତୁଳସୀକ୍ଷେତ୍ରରେ କେନ୍ଦ୍ରାପଡାରେ ବଳଦେବଜୀଉଙ୍କ ରଥଯାତ୍ରା କରିବାକୁ ଦାବି ହୋଇଛି । ଆଉ ଦାବି କରିଛନ୍ତି ସାଂସଦ ଅନୁଭବ ମହାନ୍ତି । ଏନେଇ ସ୍ୱତନ୍ତ୍ର ରିିଲିଫ କମିସନର ପ୍ରଦୀପ ଜେନାଙ୍କୁ ଚିଠି ଲେଖିଛନ୍ତି କେନ୍ଦ୍ରାପଡା ସାଂସଦ ଅନୁଭବ ମହାନ୍ତି ।
ତୁଳସୀକ୍ଷେତ୍ରରେ ବଳଦେବଜୀଉଙ୍କ ରଥଯାତ୍ରା କୋଭିଡ କଟକଣା ମଧ୍ୟରେ ହେଉ ର ପୁରୀ ଭଳି ବଳଦେବଜୀଉଙ୍କ ରଥଯାତ୍ରାକୁ ଅନୁମତି ଦିଆଯାଉ ବୋଲି ସାଂସଦ ଦାବି କରିଛନ୍ତି । କଟକଣା ପାଳନ ପାଇଁ ସେ ଦାୟିତ୍ୱ ନେବେ ବୋଲି ଅନୁଭବ ମହାନ୍ତି ତାଙ୍କ ଚିଠିରେ ଦର୍ଶାଇଛନ୍ତି । ଚଳିତବର୍ଷ କରୋନା ସଂକ୍ରମଣକୁ ଦୃଷ୍ଟିରେ ପୁରୀରେ କେବେଳ ବିନା ଭକ୍ତରେ ରଥଯାତ୍ରା କରିବା ପାଇଁ ଅନୁମତି ଦିଆଯାଇଛି । ବିନା ଭ୍କ୍ତରେ ବଡ଼ଦାଣ୍ଡରେ ଗଡିବ ରଥ । କେବେଳ ସେବାୟତ ମାନେ ରଥଯାତ୍ରାରେ ସାମିଲ ହେବ । ସେବାୟତ ଓ ସୁରକ୍ଷା କର୍ମୀ ରଥ ଟାଣିବେ । ରଥଯାତ୍ରାରେ ସାମିଲ ସମସ୍ତ ସେବାୟତଙ୍କ କରୋନା ପରୀକ୍ଷା କରାଯିବ । ଯେଉଁମାନେ ନେଗେଟିଭ ଆସିବେ ସେମାନେ ରଥଯାତ୍ରାରେ ସାମିଲ ହେବେ ।