Get real time updates directly on you device, subscribe now.
ଦେଶରେ ରହିବା ପାଇଁ ସବୁଠୁ ଅନୁକୂଳ ହେଉଛି ରାଜଧାନୀ ଭୁବନେଶ୍ୱର । ସେଣ୍ଟର ଫର ସାଇନ୍ସ ଆଣ୍ଡ ଏନଭାରମେଣ୍ଟ ପକ୍ଷରୁ କରାଯାଇଥିବା ଏକ ସର୍ଭେ ଅନୁସାରେ ଭାରତରେ ରହିବାକୁ ଯୋଗ୍ୟ ରାଜଧାନୀ ମଧ୍ୟରେ ଅନୁକୂଳ ତାଲିକାର ଚତୃର୍ଥ ସ୍ଥାନରେ ରହିଛି ରାଜଧାନୀ ଭୁବନେଶ୍ୱର । ଏହି ରିପୋର୍ଟରେ ଜାତୀୟ ରାଜଧାନୀ ଦିଲ୍ଲୀ ଅନେକ ରାଜ୍ୟର ରାଜଧାନୀ ପଛରେ ନଜର ଆସିଛି। ଇଜ ଫର ଲିଭିଙ୍ଗ ଇଣ୍ଡେକ୍ସ ୨୦୨୦ ଅନୁଯାୟୀ ଏହି ତାଲିକାରେ ଦିଲ୍ଲୀ ଷଷ୍ଠ ସ୍ଥାନରେ ଅଛି। ବେଙ୍ଗାଲୁରୁ, ଚେନ୍ନାଇ, ଶିମଲା, ଭୁବନେଶ୍ୱର ଏବଂ ମୁମ୍ବାଇ ପରେ ଦିଲ୍ଲୀ ଅଛି।
ଜାତୀୟ ସ୍ତରରେ ଭୁନଶ୍ୱରର ପରିବେଶ ସଭିଙ୍କୁ ଆକୃଷ୍ଟ କରୁଥିବାବେଳେ ଏହା ସବୁଠାରୁ ଅନୂକୁଳ ସ୍ଥାନ ପାଲଟିଛି । ସେପଟେ ରାଜଧାନୀ ଭୁବନେଶ୍ବର ସିଏସଇ ସର୍ଭେର ଚତୁର୍ଥ ସ୍ଥାନରେ ରହିଥିବାରୁ ଖୁସି୍ ପ୍ରକଟ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।ସେଣ୍ଟର ଫର ସାଇନ୍ସ ଆଣ୍ଡ ଏନଭାରମେଣ୍ଟ ଦ୍ୱାରା ଜାରି କରାଯାଇଥିବା ଏକ ନୂଆ ରିପୋର୍ଟ ଅନୁଯାୟୀ, ଇଜ ଫର ଲିଭିଙ୍ଗ ଇଣ୍ଡେକ୍ସରେ କୌଣସି ରାଜ୍ୟର ରାଜଧାନୀକୁ ସ୍ଥାନିତ କରିବା ପାଇଁ ଚାରୋଟି ମାନଦଣ୍ଡ ବ୍ୟବହାର କରାଯାଇଥିଲା। ଏଥିରେ, ଜୀବନଶୈଳୀ, ରୋଜଗାର କରିବାର କ୍ଷମତା, ସ୍ଥିରତା ଏବଂ ନାଗରିକଙ୍କ ଧାରଣାକୁ ମାନଦଣ୍ଡ କରାଯାଇଥିଲା। ସମସ୍ତ ଚାରୋଟି ମାନଦଣ୍ଡରେ ସହରଗୁଡିକ ୧୦୦ ରୁ ସ୍କୋର ଦିଆଯାଇଥିଲା। ପ୍ରଥମ ତିନୋଟି ମାନଦଣ୍ଡରେ ଦିଲ୍ଲୀ ୫୦ ରୁ ୬୦ ମଧ୍ୟରେ ଏବଂ ନାଗରିକଙ୍କ ଧାରଣା ସର୍ଭେରେ ୬୯.୪ ମଧ୍ୟରେ ସ୍କୋର କରିଥିଲା । ଏହାର ତୁଳନାରେ ଭୁବନେଶ୍ୱର ନାଗରିକଙ୍କ ଧାରଣା ସ୍କୋର ୯୪.୮ ଏବଂ ଜୟପୁର ୮୭.୧ ସ୍କୋର ହାସଲ ହୋଇଥିଲା।
ସେହିପରି ବେଙ୍ଗାଲୁରୁକୁ ସର୍ବଶ୍ରେଷ୍ଠ ସହର ଭାବରେ ସ୍ଥାନିତ କରାଯାଇଛି। ବେଙ୍ଗାଲୁରୁ ପରେ ଚେନ୍ନାଇକୁ ସ୍ଥାନିତ କରାଯାଇଛି। ସିଏସ୍ଇ ରିପୋର୍ଟ ଅନୁଯାୟୀ, ରୋଜଗାର ସମ୍ଭାବନା ଦୃଷ୍ଟିରୁ ବାଙ୍ଗାଲୋରକୁ ଶ୍ରେଷ୍ଠ ବିବେଚନା କରାଯାଇପାରିବ। ଏହି ସର୍ଭେରେ ବେଙ୍ଗାଲୁରୁକୁ ୧୦୦ ରୁ ୭୮.୮ ଦିଆଯାଇଛି।