Get real time updates directly on you device, subscribe now.
ଦେଶରେ କରୋନା ସଂକ୍ରମଣ ବୃଦ୍ଧି ପାଉଥିବା ବେଳେ ଓଡିଶାରେ ଯେପରି ସଂକ୍ରମଣ ବୃଦ୍ଧି ନପାଏ ସେନେଇ ତତ୍ପର ହୋଇପଡିଛନ୍ତି ରାଜ୍ୟ ସରକାର । ବାହାର ରାଜ୍ୟରୁ ଫେରୁଥିବା ଯାତ୍ରୀଙ୍କ ଉପରେ କଡ଼ା ନଜର ରଖାଯାଇଛି ।ବିମାନ ବନ୍ଦରରେ ଏନେଇ ସତର୍କତା ମୂଳକ ପଦକ୍ଷେପ ଗ୍ରହଣ କରାଯାଇଛି ।
ଭୁବନେଶ୍ୱର ବିମାନବନ୍ଦରରେ ବାହାରୁ ଆସୁଥିବା ଯାତ୍ରୀଙ୍କ ସ୍କ୍ରିନିଂ କରାଯାଉଛି । ମହାରାଷ୍ଟ୍ର, କେରଳ,ଆନ୍ଧ୍ରପ୍ରଦେଶ, ତାମିଲନାଡୁ,ପଂଜାବ, ପଶ୍ଚିମବଙ୍ଗ, ଛତିଶଗଡ଼, କର୍ଣ୍ଣାଟକ, ଦିଲ୍ଲୀ,ତେଲେଙ୍ଗାନା, ମଧ୍ୟପ୍ରଦେଶ,ଚଣ୍ଡିଗଡରୁ ଆସୁଥିବା ଯାତ୍ରୀଙ୍କ ସ୍କ୍ରିନିଂ କରାଯାଉଛି । ଯାହାର ପଜିଟିଭ ଲକ୍ଷଣ ଦେଖାଯିବ ସେମାନଙ୍କୁ ଆଇସୋଲେସନରେ ରଖାଯିବ ବୋଲି କହିଛନ୍ତି ବିମାନବନ୍ଦର ନିର୍ଦ୍ଦେଶକ ଭରୁଡ ଭେଙ୍କେଟେଶ୍ୱର ରାୟ । ରାଜ୍ୟ ସରକାରଙ୍କ ପକ୍ଷରୁ ଏନେଇ ଚିଠି ମିଳିଛି । ଆଜିଠୁ ଏହି ପ୍ରକିୟା ଆରମ୍ଭ ହେବ ବୋଲି ବିମାନବନ୍ଦର ନିର୍ଦ୍ଦେଶକ କହିଛନ୍ତି ।
ପୂର୍ବରୁ ଆରଟିପିସିଆର ଟେଷ୍ଟ ଆରମ୍ଭ ହୋଇଛି ।ଭୁବନେଶ୍ୱର ବିମାନବନ୍ଦରକୁ ପ୍ରତିଦିନ ୩୨ଟି ବିମାନ ଯାତାୟାତ କରୁଛି । ଦିଲ୍ଲୀରୁ ୧୦ଟି, ମୁମ୍ବାଇରୁ ୫ଟି, ହାଇଦ୍ରାବାଦରୁ ୩ଟି ଓ ସୁରଟ, କୋଲକତା,ଚେନ୍ନାଇରୁ ବିମାନ ଭୁବନେଶ୍ୱର ଯାଆସ କରୁଛନ୍ତି । ପ୍ରତିଦିନ ରାଜ୍ୟ ବାହାରୁ ପ୍ରାୟ ୪ ହଜାର ଯାତ୍ରୀ ଓଡିଶା ଆସୁଛନ୍ତି । ତେଣୁ ଯାତ୍ରୀମାନଙ୍କ ଉପରେ କଡା ନଜର ରଖାଯିବ ସହ ସ୍କ୍ରିନିଂ କରାଯାଇ ଛଡାଯାଉଛି ବୋଲି କହିଛନ୍ତି ବିମାନବନ୍ଦର ନିର୍ଦ୍ଦେଶକ ଭେଙ୍କେଟେଶ୍ୱର ରାୟ ।