Get real time updates directly on you device, subscribe now.
ପୁଣି ଫେରିବ କି କରୋନା? ଏହି ପ୍ରଶ୍ନ ଏବେ ମନକୁ ଏଥିପାଇଁ ଆସୁଛି କାରଣ ଦେଶରେ ପୁଣି ବଢିଛି କରୋନା ଆକ୍ରାନ୍ତଙ୍କ ସଂଖ୍ୟା । ଗତ ୨୪ ଘଂଟାରେ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ସାରା ଦେଶରେ ଗତ କିଛଦିନ ଧରି କରୋନା ଆକ୍ରାନ୍ତଙ୍କ ସଖ୍ୟରା ହ୍ରାସ ପାଇବା ଭିତରେ ଜୋରସୋରରେ ଚାଲିଛି ଟିକାକରଣ । ହେଲେ ଏବେ ହଠାତ ୧୧ ହଜାରରୁ ଅଧିକ ନୂଆ ସଂକ୍ରମଣ ଚିହ୍ନଟ ହେବା ମୁଣ୍ଡ ବିନ୍ଧାର କାରଣ ପାଲଟିଛି ।
ଦେଶରେ କରୋନା ଟିକାକରଣ ଜୋରସୋରରେ ଚାଲିଛି । କୋଭିଡ ଯୋଦ୍ଧା ଓ ସ୍ୱାସ୍ଥ୍ୟକର୍ମୀ ମାନଙ୍କୁ ଟିକା ଦିଆଯାଉଛି ।ଜନଜୀବନ ସ୍ୱାଭାଭିକ ହୋଇ ଆସୁଥିବା ବେଳେ ପୁଣି ଚିନ୍ତା ବଢ଼ାଉଛି ସଂକ୍ରମଣ । କିଛି ଦିନ ଧରି ଦେଶରେ ୧୦ ହଜାର ତଳକୁ ନୂଆ ପଜିଟିଭ୍ ଚିହ୍ନଟ ହେଉଥିଲେ । ଆଶା କରାଯାଉଥିଲା, ଖୁବ ଶୀଘ୍ର ୫ ହଜାର ତଳକୁ ଦୈନିକ ସଂକ୍ରମଣ ଖସିଯିବ । ହେଲେ ଏହି ସଂଖ୍ୟା ବଢ଼ିବାରେ ଲାଗିଛି । ଗତ ୨୪ ଘଂଟାରେ ୧୧ ହଜାର ୮୩୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି କରୋନାଜନିତ ମୃତ୍ୟୁ ସଂଖ୍ୟା ଦେଶରେ ଗତ ତିନି ଦିନ ଧରି ୧୦୦ ତଳକୁ ରହୁଥିଲା । ତେବେ ଏହି ସଂଖ୍ୟା ମଧ୍ୟ ବଢ଼ିଛି । ଗତ ୨୪ ଘଂଟର ମଧ୍ୟରେ କରୋନାରେ ୧୦୯ ଜଣ ଲୋକଙ୍କର ମୃତ୍ୟୁ ହୋଇଛି ।
ମହାରାଷ୍ଟ୍ର ଓ କେରଳର ସ୍ଥିତି ସବୁଠୁ ଚିନ୍ତାଜନକ ହୋଇଛି । ଦେଶରେ ଯେତିକି ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି, ସେଥିମଧ୍ୟରୁ ୭୫ ପ୍ରତିଶତ ମାମଲା ଆସିଛି ଏହି ଦୁଇ ରାଜ୍ୟରୁ । ସ୍ଥିତି ନିୟନ୍ତ୍ରଣକୁ ନଆସିେଲେ ପୁଣିଥରେ ଲକ୍ଡାଉନ୍ ଭଳି ସ୍ଥିତି ଉପୁଜିବ ବୋଲି ସତର୍କ କରାଇଛନ୍ତି ମହାରାଷ୍ଟ୍ର ସରକାର । ଜାନୁଆରୀ ମଧ୍ୟଭାଗରୁ ମହାରାଷ୍ଟ୍ରରେ କରୋନା ଆକ୍ରାନ୍ତଙ୍କ ସଂଖ୍ୟା ପ୍ରତିଦିନ ୩ ହଜାର ଉପରେ ରହୁଛି । ତେବେ ଫେବ୍ରୁଆରୀ ମାସର ଦ୍ୱିତୀୟ ସପ୍ତାହରେ କରୋନା ଆକ୍ରାନ୍ତ ହାର ପୂର୍ବ ସପ୍ତାହ ତୁଳନାରେ ୧୪ ପ୍ରତିଶତ ବୃଦ୍ଧି ପାଇଛି । ଏପଟେ ଦକ୍ଷିଣ ଆଫ୍ରିକା ଷ୍ଟ୍ରେନ୍ ଭାରତକୁ ଆସିଥିବା ନେଇ ସୂଚନା ମିଳିବା ପରେ ଚିନ୍ତା ଆହୁରି ବଢ଼ିଯାଇଛି । ଦେଶରେ ମୋଟ ୧ଲକ୍ଷ ୩୪ ହଜାର ୨୮ ଜଣ ସକ୍ରିୟ ସଂକ୍ରମିତ ଥିବା ବେଳେ ରାଜ୍ୟରେ ସକ୍ରିୟ ଆକାନ୍ତଙ୍କ ସଂଖ୍ୟା ରହିଛି ୭୩୨ ।