Get real time updates directly on you device, subscribe now.
ଦୁଷ୍ମନ୍ତ ଦାସଙ୍କ ପରିବାରକୁ ପୋଷ୍ୟ ଭାବେ ଗ୍ରହଣ କଲେ ପାରାଦୀପ ବିଧାୟକ ସମ୍ବିତ ରାଉତରାୟ । ଦୁଷ୍ମନ୍ତ ଦାସଙ୍କ ଦୁର୍ଭାଗ୍ୟ ଜନକ ବିୟୋଗରେ ସେ ଅତ୍ୟନ୍ତ ମର୍ମାହତ ବୋଲି କହିଛନ୍ତି । ଦୁଃଖଦ ସମୟରେ ପରିବାର ସହ ଅଛନ୍ତି ଓ ତାଙ୍କ ପରିବାରକୁ ପୋଷ୍ୟ ଭାବେ ଗ୍ରହଣ କରିଥିବା କହିଛନ୍ତି ।
ପାରାଦୀପ ବିଧାୟକ ସମ୍ବିତ ରାଉତରାୟ କହିଛନ୍ତି, ଦୁଷ୍ମନ୍ତଙ୍କ ପରିବାରର ଭଲ ମନ୍ଦ ବୁଝିବି । ପରିବାରର ମାସିକ ଖର୍ଚ୍ଚ, ପିଲାଙ୍କ ପାଠପଢା ଖର୍ଚ୍ଚ, ପିଲା ପାଠପଢି ଚାକିରି କଲା ପର୍ଯ୍ୟନ୍ତ ସବୁ ବୁଝିବି ବୋଲି ପ୍ରତିଶ୍ରୁତି ଦେଇଛନ୍ତି । ଏପ୍ରିଲ ମାସରେ ତାଙ୍କ ପାଖକୁ ଦୁଷ୍ମନ୍ତ ଆସିଥିଲା । ୩ ଦିନ ଘରେ ରହିଥିଲା, ଆର୍ଥିକ ସହାୟତା ଦେଇ ୩ ମାସ ପରେ ଆସିବା ପାଇଁ କହିଥିଲେ ବୋଲି କହିଛନ୍ତି ।
ରାଜ୍ୟ ସରକାର ଦୁଷ୍ମନ୍ତଙ୍କ ପତ୍ନୀଙ୍କୁ ଚାକିରି ଦେବାକୁ ଘୋଷଣା କରିଛନ୍ତି । ମୃତକଙ୍କ ପରିବାରକୁ ୧ ଲକ୍ଷ ଟଙ୍କାର ସରକାରୀ ସହାୟତା ଓ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିରୁ ୩୦ ହଜାର ଟଙ୍କା ଦିଆଯାଇଛି ।