Get real time updates directly on you device, subscribe now.
ଚଳିତ ବର୍ଷର ପ୍ରଥମ ବାତ୍ୟା ‘ତାଉତ’ ଗୁଜୁରାଟ ଆଡେ ଚାଲିଯାଇଥିବା ବେଳେ ଏବେ ଲୋକଙ୍କୁ ଘାରିଲାଣି ଆଉ ଏକ ଚିନ୍ତା । ବଙ୍ଗୋପସାଗରରେ ଆଉ ଏକ ଲଘୁଚାପ ଦାନା ବାନ୍ଧୁଥିବା ନେଇ ସଂକେତ ମିଳୁଛି । ଲଘୁଚାପଟି ଘନୀଭୂତ ହୋଇ ବାତ୍ୟାର ରୂପ ନେଇପାରେ । ଆସନ୍ତା ୨୭ ଓ ୨୮ ତାରିଖ ମଧ୍ୟରେ କେନ୍ଦ୍ରୀୟ ବଙ୍ଗୋପସାଗରରେ ବାତ୍ୟା ସୃଷ୍ଟି ହେବାର ସମ୍ଭାବନା ରହିଛି । ଆଉ ଏହି ବାତ୍ୟାର ପ୍ରଭାବ ପଶ୍ଚିମବଙ୍ଗ ଓ ଓଡିଶା ଉପରେ ରହିପାରେ ବୋଲି ଅନୁମାନ କରାଯାଉଛି । ତେବେ ଲଘୁଚାପ ସୃଷ୍ଟି ହେବାପରେ ଏନେଇ ସଠିକ ଆକଳନ କରିହେବ ।
ଓଡିଶାରେ ବାତ୍ୟା ନାଁ ଶୁଣିଲେ ରାଜ୍ୟବାସୀଙ୍କ ମନରେ ଛନକା ପଶେ । କାରଣ ପ୍ରତିବର୍ଷ ବଙ୍ଗୋପସାଗରରେ ସୃଷ୍ଟି ହେଉଥିବା ଲଘୁଚାପ ଅଧିକ ଘନୀଭୂତ ହୋଇ ବାତ୍ୟାର ରୂପ ନେଉଛି । କେନ୍ଦ୍ର ଭୂ-ବିଜ୍ଞାନ ମନ୍ତ୍ରାଳୟର ସଚିବ ମାଧବନ ରାଜୀବନ ଏକ ଟ୍ୱିଟ କରି ଆଗାମୀ ୨୩ ତାରିଖ ବେଳକୁ ଆଉ ଏକ ଲଘୁଚାପ ସୃଷ୍ଟି ହେଉଥିବା ନେଇ ସେ ସଂକେତ ଦେଇଛନ୍ତି । ଏହା ସହ ତାଉତେର ସଠିକ ଆକଳନ ପାଇଁ ଭାରତୀୟ ପାଣିପାଗ ବିଭାଗକୁ ଶୁଭେଚ୍ଛା ଜଣାଇଛନ୍ତି । ତାଉ ତେରେ ସ୍ଥିତି, ଏହାର ଗତି ସହ ଲ୍ୟାଣ୍ଡଫଲ ସ୍ଥାନ ଓ ସମୟ ବାବଦରେ ଏକ ଦମ୍ ଠିକ ଆକଳନ କରୁଥିବାରୁ ଆଇଏମଡିକୁ ଧନ୍ୟବାଦ ଜଣାଇଛନ୍ତି ।
ଦୁଇ ଦିନ ତାଣ୍ଡବ ରଚିବା ପରେ ଦୁର୍ବଳ ହେଉଛି ସାମୁଦ୍ରିକ ବାତ୍ୟା ‘ତୌକତେ’ । ବିଳମ୍ବିତ ରାତିରେ ଗୁଜରାଟର ସୌରାଷ୍ଟ୍ରରେ ‘ତୌକତେ’ ଲ୍ୟାଣ୍ଡଫଲ୍ କରିଥିଲା । ‘ତୌକତେ’ ଉପକୂଳରେ ମାଡ଼ ହେବା ପରେ ଜୋରରେ ପବନ ବହିବା ସହ ପ୍ରବଳ ବର୍ଷା ହୋଇଥିଲା ।ବାତ୍ୟା ତାଉତେ ପାଇଁ କେରଳ,ମହାରାଷ୍ଟ,କର୍ଣ୍ଣାଟକ,ଗୁଜୁରାଟ କ୍ଷତିଗ୍ରସ୍ତ ହୋଇଛି ।