Get real time updates directly on you device, subscribe now.
କରୋନା ବେଳେ ଫିତାକଟା ପଲିଟିକ୍ସ । କୋଭିଡ୍ କେୟାର ସେଣ୍ଟର ଉଦ୍ଘାଟନକୁ ନେଇ ବିଜେଡି ନେତା ମୁହାଁମୁହିଁ । ପାଲଲହଡ଼ା ବିଧାୟକ ମୁକେଶ ପାଲ୍ ଓ ଢେଙ୍କାନାଳ ସାଂସଦ ମହେଶ ସାହୁଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି । ସାଂସଦ ମହେଶ ସାହୁ ପହଁଚିବା ପୂର୍ବରୁ ବିଧାୟକ ମୁକେଶ ପାଲ ଫିତା କାଟି ଦେଇଥିଲେ । ଏହାକୁ ନେଇ ସାଂସଦ ଖପ୍ପା ହୋଇଯାଇଥିଲେ । ଏହା ପରେ ସାଂସଦଙ୍କ କଥାକୁ ନାପସନ୍ଦ କରି ଦୁଇ ଗୋଷ୍ଠୀ ମୁହାଁ ମୁହିଁ ହୋଇଥିଲେ ।
ଆଜି ପାଲଲହଡ଼ା ଆଦର୍ଶ ସ୍କୁଲରେ ଏକ କୋଭିଡ୍ କେୟାର ସେଣ୍ଟର ଉଦ୍ଘାଟନ ପ୍ରଶାସନ ପକ୍ଷରୁ ଉଦଘାଟନ ହେବାର ଥିଲା । । କୋଭିଡ୍ କେୟାର ସେଣ୍ଟର ଉଦ୍ଘାଟନ ପାଇଁ ପ୍ରଶାସନ ଉଭୟ ସାଂସଦ ଓ ବିଧାୟକଙ୍କୁ ଜଣାଇ ଦିଆଯାଇଥିଲା। ହେଲେ ପାଲଲହଡ଼ା ବିଧାୟକ ମୁକେଶ କୁମାର ପାଲ୍ ଆଗ ଠିକ ସମୟରେ ପହଚିଂଯାଇଥିବା ବେଳେ ସାଂସଦ ମହେଶ ସାହୁ ବିଳମ୍ବରେ ପହଞ୍ଚିଥିଲେ। ତେଣୁ ବିଧାୟକ ଆଗ ପହଚିଂଥିବାରୁ କୋଭିଡ କେୟାର ସେଂଟର ଉଦଘାଟନ କରିଥିଲେ । ହେଲେ ସାଂସଦ ଏହାକୁ ହଜମ କରିପାରିନଥିଲେ । ବିଧାୟକ କୋଭିଡ୍ କେୟାର ସେଣ୍ଟର ଉଦ୍ଘାଟନ କରି ଦେଇଥିବାରୁ ଏହା ଦେଖି ସାଂସଦ ଖପ୍ପା ହୋଇ ଯାଇଥିଲେ। ସାଂସଦ ମହେଶ ସାହୁ ବିଧାୟକଙ୍କୁ କହିଥିଲେ ଯେ, ଗୋଟିଏ ଦଳରେ ରହି ଏପରି ହୀନ ରାଜନୀତି କରି ଫିତାକାଟି କି ବାହାବା ନେଉଛ । ଆଉ ସାଂସଦଙ୍କ କଥାକୁ ନାପସନ୍ଦ କରି ଦୁଇ ଗୋଷ୍ଠୀ ମୁହାଁ ମୁହିଁ ହୋଇଥିଲେ । ବିଧାୟକଙ୍କ ଗୋଷ୍ଠି ସାଂସଦ ମହେଶ ସାହୁ ଡାଉନ ଡାଉନ ବୋଲି କହିବା ସହ ନାରା ଦେଉଥିଲେ । ଯାହାକୁ ନେଇ ସେଠାରେ ତୀବ୍ର ଉତ୍ତେଜନା ପ୍ରକାଶ ପାଇଥିଲା ।
ତେବେ ଘଟଣାକ ନେଇ ସାଂସଦ ମହେଶ ସାହୁ କହିଛନ୍ତି, ‘ସେ ଆସି ପହଞ୍ଚିଲା ବେଳକୁ ପାଲଲହଡ଼ାର ମାନ୍ୟବର ବିଧାୟକ ମୁକେଶ ପାଲ୍ ଫିତା କାଟି ସାରିଛନ୍ତି। ଏହାପରେ ସେ କହିଥିଲେ ମୁକେଶ ବାବୁ ଏ ରାଜନୀତି କ’ଣ ? କରୋନାରେ କି ରାଜନୀତି କରାଯାଏ ? ସେହିପରି ବିଧାୟକ ମୁକେଶ ପାଲ୍ ଘଟଣାକୁ ନେଇ କହିଛନ୍ତି, ‘ମୁଁ ତାଙ୍କୁ ବାରମ୍ବାର ଫୋନ୍ କରିଥିଲି ଓ ଯାଉଛି ବୋଲି ସେ କହିଥିଲେ। ସାଢ଼େ ୧୦ଟାରେ ଆମେ କୋଭିଡ୍ କେୟାର ସେଣ୍ଟରର ଉଦ୍ଘାଟନ କଲୁ। ଏହାପରେ ମାନ୍ୟବର ସାଂସଦ ପାଖାପାଖି ୧୧ଟାରେ ଆସି ପହଞ୍ଚିଥିଲେ। ଏହାପରେ ସେ ବିଭିନ୍ନ ଖରାପ ଭାଷା ପ୍ରୟୋଗ କରିଥିଲେ।