Get real time updates directly on you device, subscribe now.
କିଛିଦିନ ଧରି ଲଗାତାର ଭାବେ ୧୦ ହଜାର ଉପରେ ଚିହ୍ନଟ ହେଉଥିବା ନୂଆ ସଂକ୍ରମଣ ଟ୍ରେଣ୍ଡରେ ସାମାନ୍ୟା ହ୍ରାସ ପାଇଛି । ସଂକ୍ରମଣ ସଂଖ୍ୟା କମୁଥିଲେ ମଧ୍ୟ ଦୁଇ ଜିଲ୍ଲାରେ ହଜାରେ ଉପରେ ସଂକ୍ରମିତ ଚିହ୍ନଟ ହେଉଛନ୍ତି । ଏହା ସହ ଗତ ୨୪ ଘଂଟାରେ କରୋନା ନମୂନା ପରୀକ୍ଷା ମଧ୍ୟ କମ କରାଯାଇଛି । ତେଣୁ ଆକ୍ରାନ୍ତଙ୍କ ସଂଖ୍ୟା କମୁନି ବଂର ଟେଷ୍ଟିଂ କମୁଥିବାରୁ ସଂକ୍ରମଣ ସଖ୍ୟା କମୁଥାଉପାରେ । ସେହିପରି ଖୋର୍ଦ୍ଧା ଓ ସୁନ୍ଦରଗଡରେ ଆକ୍ରାନ୍ତଙ୍କ ସଂଖ୍ୟା ହଜାରେ ଉପରେ ରହୁଥିବା ବେଳେ ଅନ୍ୟ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା କମ ରହୁଛି । ତେଣୁ ଏଠି ପ୍ରଶ୍ନ ଉଠୁଛି, ଏହି ଦୁଇ ଜିଲ୍ଲାରୁ ସର୍ବାଧିକ ଆକ୍ରାନ୍ତ ଚିହ୍ନଟ ହେଉଥିବାରୁ ଏଠାରେ ଅଧିକ ଟେଷ୍ଟିଂ କରାଯାଇ ଅନ୍ୟ ଜିଲ୍ଲାରେ କମ ନମୂନା ପରୀକ୍ଷା କରାଯାଉନି ତ? ଯାହା ଫଳରେ ଅନ୍ୟ ଜିଲ୍ଲାରୁ କମ ଆକ୍ରାନ୍ତ ଚିହ୍ନଟ ହେଉଛନ୍ତି ।
ଟେଷ୍ଟିଂ କମିଛି, ସଂଖ୍ୟା କମୁଛି । କିଛି ଦିନ ଧରି ୪୮ରୁ ୫୦ ହଜାର ପାଖାପାଖି କରୋନା ନମୂନା ପରୀକ୍ଷା କରାଯାଉଥିବା ବେଳେ ଗତ ୨୪ ଘଂଟାରେ ୪୬ ହଜାର ୨୪୧ ଟେଷ୍ଟିଂ କରାଯାଇଛି । ସେହି ଅନୁପାତରେ ସଂକ୍ରମଣ ସଂଖ୍ୟା ମଧ୍ୟ ୧୦ ହଜାର ତଳକୁ ଖସି ୯ ହଜାର ୭୯୩ ପହଚିଂଛି । ଖୋର୍ଧାରେ ସର୍ବାଧିକ ୧୫୧୧ ନୂଆ ମାମଲା ଚିହ୍ନଟ ହୋଇଥିବା ବେଳେ ସୁନ୍ଦରଗଡରେ ହଜାରେ ୧୮ ମାମଲା ଚିହ୍ନଟ ହୋଇଛି । ସେହିଭଳି ଅନୁଗୁଳରେ ୫୨୬, କଟକରେ ୬୪୧, ଝାରୁସୁଗୁଡାରେ ୪୦୪, ନୂଆପଡାରୁ ୪୦୧ ,ଯାଜପୁରରୁ ୩୭୬, ସମ୍ବଲପୁରରେ ୩୫୬, ବଲାଙ୍ଗୀରରୁ ୩୪୨, ପୁରୀରୁ ୩୫୧, ନବରଙ୍ଗପୁରରୁ ୩୦୨ ଆକ୍ରାନ୍ତ ଚିହ୍ନଟ ହୋଇଛନ୍ତି । ୨୭ଟି ଜିଲ୍ଲାରେ ୩ଅଙ୍କ ଉପରେ କରୋନା ସଂକ୍ରମଣ ଚିହ୍ନଟ ହୋଇଛନ୍ତି ।
ଗତ ୨୪ ଘଣ୍ଟାରେ ରାଜ୍ୟରେ ୧୮ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି। ଅନୁଗୁଳ ଜିଲ୍ଲାରେ ସର୍ବାଧିକ ୪ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ଖୋର୍ଦ୍ଧା ଜିଲ୍ଲାରେ ୩, କଳାହାଣ୍ଡି, ସୁନ୍ଦରଗଡ଼, ରାୟଗଡ଼ାରେ ୨ ଜଣ ଲେଖାଏ ଆକ୍ରାନ୍ତଙ୍କ ମୃତ୍ୟୁ ହୋଇଛି। ଏହାକୁ ମିଶାଇ ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା ୨,୨୧୫କୁ ବୃଦ୍ଧି ପାଇଛି।