Get real time updates directly on you device, subscribe now.
କରୋନାର ନୂଆ ପ୍ରଜାତି ଓମିକ୍ରନର ସଂକ୍ରମଣ ବଢୁଥିବା ବେଳେ ରାଜ୍ୟ ଗୁଡିକ ପାଇଁ ନିର୍ଦ୍ଦେଶାବଳୀ ଜାରି କରିଛନ୍ତି କେନ୍ଦ୍ର ସରକାର ।ରାଜ୍ୟ ପାଇଁ ନିର୍ଦ୍ଦେଶାବଳୀ ଜାରି କଲା କେନ୍ଦ୍ର । ନିୟମ ପାଳନ କରିବାରେ ଅବହେଳା ନକରି କଡାକଡି ଭାବେ କୋଭିଡ ନିୟମ ମାନିବାକୁ ପରାମର୍ଶ ଦେଇଛନ୍ତି । ଏହାସହ ରାଜ୍ୟ ଗୁଡିକର ସଂକ୍ରମଣ ହାର ଏବଂ ଦୁଇ ଗୁଣା ସଂକ୍ରମଣର ସମୟ ଉପରେ ସତର୍କ ନଜର ରଖିବାକୁ ପରାମର୍ଶ ଦିଆଯାଇଛି । ଏହାସହ ଟିକାକରଣକୁ ଜୋରଦାର କରିବାକୁ କହିଛି କେନ୍ଦ୍ର । ଶତ ପ୍ରତିଶତ ଟିକାକରଣ ନିଶ୍ଚିତ କରିବାକୁ କୁହାଯାଇଛି । ଏହାସହ ଡୋର ଟୁ ଡୋର କ୍ୟାମ୍ପେନ ଉପରେ ବିଶେଷ ଗୁରୁତ୍ୱ ଦିଆଯାଇଛି ।
ଆଗକୁ ନୂଆବର୍ଷ ଥିବା ବେଳେ ଭିଡକୁ ଦୃଷ୍ଟିରେ ରଖି କଟକଣା ଜାରି କରିବାକୁ ରାଜ୍ୟକୁ କହିଛି କେନ୍ଦ୍ର । ନାଇଟ କର୍ଫ୍ୟୁ ଜାରି କରିବା ସହ ବଡ ଧରଣର ଭିଡ ନକରିବାକୁ ପରାମର୍ଶ ଦେଇଛି । ଏହାସହ ଆଗକୁ ନିର୍ବାଚନ ଥିବା ରାଜ୍ୟ ଗୁଡିକରେ ଟିକାକରଣ ଉପରେ ବିଶେଷ ଗୁରୁତ୍ୱ ଦେବାକୁ ରାଜ୍ୟ ଓ କେନ୍ଦ୍ରଶାସିତ ଅଂଚଳ ଗୁଡିକ ପାଇଁ ନିର୍ଦ୍ଦେଶାବଳୀ ଜାରି କରିଛି କେନ୍ଦ୍ର ।ଏସବୁ ଭିତରେ ଓଡ଼ିଶାରୁ ଆଉ ଦୁଇ ଜଣ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତିି । ନାଇଜେରିଆରୁ ଫେରିଥିବା ୨ ଜଣ ଓମିକ୍ରନ୍ ସଂକ୍ରମିତ ହୋଇଛନ୍ତି । ଏନେଇ ସ୍ପଷ୍ଟ କରିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଂଜନ ମିଶ୍ର । ଦୁଇ ଜଣଙ୍କ ବୟସ ୧୧ ଓ ୧୫ ବର୍ଷ । ଦୁଇ ଜଣ ଝିଅ ବାପା ମାଆଙ୍କ ସହ ୧୩ ତାରିଖରେ ନାଇଜେରିଆରୁ ଫେରିଥିଲେ । ଦୁଇ ଝିଅ ଓମିକ୍ରନ୍ ସଂକ୍ରମିତ ହୋଇଥିବା ବେଳେ ବାପା ମାଆ ଓ ଡାଇଭ୍ରର ସମସ୍ତଙ୍କ ରିପୋର୍ଟ ନେଗେଟିଭ୍ ଆସିଛି ।