Get real time updates directly on you device, subscribe now.
ଶିିିମିଳିପାଳରେ ଗତ କିଛି ଦିନ ହେବ ଲାଗିଥିବା ନିଆଁ ଲିଭିବାର ନାଁ ନେଉନି । ଧୀରେ ଧୀରେ ବ୍ୟାପିବାରେ ଲାଗିଥିବା ବେଳେ ପିସିସିଏଫ ଶଶୀ ପଲ କିନ୍ତୁ କହିଛନ୍ତି,ଶିମିଳିପାଳରେ ୧୦ ଦିନ ହେବ ବଡ଼ ଧରଣର ନିଆଁ ଲାଗିଛି ବୋଲି ଲୋକଙ୍କ ଧାରଣା ଆସିଯାଇଛି । କିନ୍ତୁ ଏହା ସଂପୂର୍ଣ୍ଣ ଭୁଲ । ଶିମିଳିପାଳ ଜଙ୍ଗଲ ନିୟନ୍ତ୍ରଣରେ ଥିଲା ଓ ନିୟନ୍ତ୍ରଣରେ ରହିଛି ।
ପିସିସିଏଫ୍ ଶଶି ପଲ୍ କହୁଛନ୍ତି ଶିମିଳିପାଳରେ ଲାଗିଥିବା ନିଆଁରେ ଜନ୍ତୁ ଓ ମଣିଷ ଆହତ ହୋଇନାହାନ୍ତି, କେବଳ ଶୁଖିଲା ପତ୍ର ଓ ବୁଦା ଜଳିଛି । ବଡ଼ ଗଛ ଜଳିନି । କିଛି ବି ଗୁରୁତର ପରିସ୍ଥିତି ନାହିଁ । ଶିମିଳିପାଳ କୋର ଏରିଆରେ ଏଯାଏ ଲାଗିନି । ବଫର ଏରିଆରେ କେବେଳ ନିଆଁ ଲାଗିଛି । ଖରାଦିନେ ଏମିତି ହୁଏ ବୋଲି କହିଛନ୍ତି ପିସିସିଏଫ । ପୋଡାଡିହା ଓ ଠାକୁରମୁଣ୍ଡା ରେଂଜ କିଛି ମାତ୍ରାରେ ପ୍ରଭାବିତ ହୋଇଛିା ଦୁଇ ଦିନ ଧରି କୋର ଅଂଚଳ ବୁଲିକି ଆସିଥିବା କହିଛନ୍ତି ପିସିସିଏଫ୍ ଶଶି ପଲ୍ । ଏନେଇ ସେ ସରକାରଙ୍କ ରିପୋର୍ଟ ଦେବେ ।
ଶିମିଳିପାଳ ଅଭୟାରଣ୍ୟରେ ନିଆଁ ଜଳୁଥିବା ନେଇ ପ୍ରଥମେ ମୟୂରଭଞ୍ଜ ରାଜକୁମାର ଟ୍ୱିଟ୍ କରିଥିଲେ। ତା’ପରେ କେନ୍ଦ୍ରମନ୍ତ୍ରୀ ଓ ପିସିସି ସଭାପତି ଟ୍ୱିଟ୍ କରିଥିଲେ। ଏହା ପରେ ସ୍ଥିତି ଅନୁଧ୍ୟାନ ପାଇଁ ପିସିସିଏଫ୍ ଶଶି ପଲ୍ଙ୍କୁ ଶିମିଳିପାଳ ପଠାଇଥିଲେ ରାଜ୍ୟ ସରକାର।
ମିଳିଥିବା ସୂଚନା ଅନୁସାରେ, ଶିମିଳିପାଳ ଜୈବମଣ୍ଡଳର ୨ ହଜାର ୭୫୦ ବର୍ଗ କିଲୋମିଟର ଅଞ୍ଚଳରେ ପ୍ରାୟ ୩୦ରୁ ଅଧିକ ସ୍ଥାନରେ ଜଙ୍ଗଲ ଜଳୁଛି। ଅଭୟାରଣ୍ୟର ଉତ୍ତରରେ ଥିବା ବରେହିପାଣି, ତୁଳସୀବଣ, ଚଢେଇ ପାହାଡ଼, ଗୁଡୁଗୁଡ଼ଇା ଓ ନାଣା ଆଦି ସ୍ଥାନରେ ଜଳୁଥିବା ନିଆଁକୁ ଆୟତ୍ତ କରିବାକୁ ଉଦ୍ୟମ ଚାଲିଛି। ସେପଟେ ଅନନ୍ତପୁର, ବାଲିନାଳ, ଖଣ୍ଡାଚିରା, ନଛିପୁରର ବନାଗ୍ନିକୁ ଲିଭାଇବାରେ ସଫଳ ହୋଇଛି ବନ ବିଭାଗ।