Get real time updates directly on you device, subscribe now.
ଆଜିଠୁ ରାଜଧାନୀରେ ଭୁବନେଶ୍ୱରରେ ଦିଆଯିବ ଋଷିଆ ଟିକା ।କରୋନା ସଂକ୍ରମଣକୁ ମାତ ଦେବା ପାଇଁ ରାଜ୍ୟରେ ଟିକାକରଣକୁ ଜୋରଦାର କରାଯାଇଥିବା ବେଳେ ପୂର୍ବରୁ ଓଡିଶାରେ କେବେଳ କୋଭିସିଲ୍ଡ ଓ କୋଭାକ୍ସିନ ଦିଆଯାଉଥିଲା । ତେବେ ଏବେ ଓଡିଶାରେ ସ୍ପୁଟନିକ ଭି ଟିକା ଉପଲବ୍ଧ ହୋଇଛି । ତେବେ ଏହି ଟିକା ଭୁବନେଶ୍ୱରର ଦୁଇଟି ଘରୋଇ ହସ୍ପିଟାଲରେ ଉପଲବ୍ଧ ହୋଇଛି ।
ଭୁବନେଶ୍ୱର କେୟାର ହସ୍ପିଟାଲରେ ଆଜିଠୁ ଋଷିଆ ଟିକା ସ୍ପୁଟନିକ ଭି ଦିଆଯିବ । କେୟାର ହସ୍ପିଟାଲ ସ୍ପୁଟନିକ ଭି ଟିକା ୬୦୦ ଡୋଜ ଆଣିଛି । ବୁକ କରିଥିବା ଲୋକଙ୍କୁ ଆଜିଠୁ ଏହି ଟିକା ଦିଆଯିବ । ଏହି ଟିକା ଦୁଇ ଥର ନେବାକୁ ପଡିବ ୨୧ ଦିନର ବ୍ୟବଧାନରେ । ସ୍ପୁଟନିକ ଭି ଟିକାର ମୂଲ୍ୟ ରହିଛଇ ୧୧ ଶହ ୪୫ ଟଙ୍କା । ତେବେ ଲୋକଙ୍କ ଚାହିଦାକୁ ଦେଖି ଏହି ଟିକା ଆହୁରି ମଗାଯିବ ବୋଲି ହସ୍ପିଟାଲ କତୃପକ୍ଷ କହିଛନ୍ତି ।
କେନ୍ଦ୍ର ସରକାରଙ୍କ କୋ-ୱିନ ଆପକୁ ଯାଇ ‘ସ୍ପୁଟନିକ ଭି’ ପାଇଁ ସ୍ଲଟ ବୁକ କରିପାରିବେ । ଏହି ଟିକା ୯୧ ପ୍ରତିଶତରୁ ଅଧିକ ପ୍ରଭାବି ବୋଲି କୁହାଯାଉଛି । ଗତ ଜୁନ ୬ ତାରିଖରୁ ଭାରତରେ ଉପଲବ୍ଧ ହେଉଛି ସ୍ପୁଟନିକ ଭି । ବର୍ତମାନ ସୁଦ୍ଧା ୬୦ ଟି ଦେଶରେ ସ୍ପୁଟନିକ ଭି ଟିକାର ବ୍ୟବହାର ହେଉଛି ।