Get real time updates directly on you device, subscribe now.
ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରୁ ମିଳିଲା ୧୪୪୦ ଗ୍ରାମର ସୁନା ଗହଣା ।ଭାରତର ସବୁଠୁ ବଡ଼ ଡିଜାଇନର ସବ୍ୟସାଚୀ ବ୍ରାଣ୍ଡର ଏକ ହାର ଜବତ ହୋଇଛି, ଯାହାର ମୂଲ୍ୟ ୨୪ ଲକ୍ଷ ୨୫ ହଜାର ଟଙ୍କା । ଭିଜିଲାନ୍ସ ଅଧୀନରେ ଥିବା ଚାଟାର୍ଡ ଆକାଉଣ୍ଟାଣ୍ଟମାନେ ପ୍ରଦୀପଙ୍କ ଘରୁ ଜବତ ହୋଇଥିବା ଜରୁରୀକାଳୀନ ଦସ୍ତାବିଜ ଓ ବ୍ୟାଙ୍କ ଆକାଉଣ୍ଟର ଛାନଭିନ କରିବେ ବୋଲି ଜଣାଯାଇଛି । ସନ୍ଧାନ ସମୟରେ ମିଳିଥିବା ଦଲିଲଗୁଡ଼ିକୁ ଫାଇନାନ୍ସିଆଲ୍ ୱିଙ୍ଗ୍ ଅଫ୍ ଭିଜିଲାନ୍ସ ଏବଂ ପ୍ରଫେସନାଲ୍ ଚାଟାର୍ଡ ଆକାଉଣ୍ଟାଣ୍ଟ ଏବଂ ବ୍ୟାଙ୍କିଙ୍ଗ୍ କନସଲଟାଣ୍ଟସ୍ ଅଧିକାରୀଙ୍କ ଦ୍ୱାରା ପରୀକ୍ଷା କରାଯିବ । ରବିବାର ସକାଳୁ ସରକାରୀ ବାସଭବନରେ ରେଡ୍ କରିିଥିଲା ଭିଜିଲାନ୍ସ ଟିମ୍ ।
ପ୍ରଦୀପ ପାଣିଗ୍ରାହୀଙ୍କ ଜମି କିଣା କାଗଜପତ୍ର, ଗାଡି ଓ ସୁନା କିଣା କାଗଜପତ୍ର ଭିଜିଲାନ୍ସ ଜବତ ହୋଇଛି । ଏହାଛଡ଼ା ସାଇବର ସେଲ୍ ଅଫ୍ ଭିଜିଲାନ୍ସ ସର୍ଚ୍ଚ ସମୟରେ ମିଳୁଥିବା ସମସ୍ତ ଇଲେକ୍ଟ୍ରୋନିକ୍ ପ୍ରମାଣ / ଡକ୍ୟୁମେଣ୍ଟ ଯାଞ୍ଚ କରିବ । ସାକ୍ଷୀ, ସନ୍ଦିଗ୍ଧ ଏବଂ ଅଭିଯୁକ୍ତଙ୍କ ପରୀକ୍ଷା ଠିକ୍ ସମୟରେ କରାଯିବ । ତଦନ୍ତ ଜାରି ରହିଛି ବୋଲି ଭିଜିଲାନ୍ସ ପକ୍ଷରୁ କୁହାଯାଇଛି । ଗତକାଲି ଭିଜିଲାନ୍ସ ଟିମ୍ ବ୍ରହ୍ମପୁରରେ ବିଧାୟକଙ୍କ ସଂପର୍କୀୟ ଓ ସହଯୋଗୀଙ୍କ ଘରେ ଚଢାଉ କରିଥିଲା । ଭୁବନେଶ୍ୱର ସରକାରୀ ବାସଭବନ ସମେତ ମୋଟ୍ ୧୫ଟି ସ୍ଥାନରେ ଏକକାଳୀନ ଚଢାଉ କରି ଖୋଳତାଡ କରିଛି ଭିଜିଲାନ୍ସ ।
୨୦୦୯ରୁ ୨୦୨୦ ମଧ୍ୟରେ ୫ କୋଟି ୫ ଲକ୍ଷରୁ ଅଧିକ ଟଙ୍କା ଠୁଳ କରିଥିବା ଅଭିଯୋଗ ହୋଇଛି । ଅଭିଯୋଗ ଆସିବା ପରେ ଭିଜିଲାନ୍ସକୁ ତଦନ୍ତ ନିର୍ଦ୍ଦେଶ ଦେଇଥିଲେ ଲୋକାୟୁକ୍ତ ।